Fin do ciclo Outonalidades 2010

A semana pasada rematamos os concertos que, dentro do Ciclo Outonalidades 2010, nos achegaron un pouquiño máis a Potugal.
Comezamos en setembro co dúo JOAO GENTIL E LUÍS FORMIGA, en outubro convertemos o Ultramarinos por unha noite nunha casa de fados cos FADOS A PRETO E BRANCO do Ruí Oliveira, en novembro tivemos a maravillosa voz de SOFÍA VITÓRIA co proxecto Palavra de mulher e rematamos a semana pasada cos açorianos JOAO DA ILHA.
Todo un luxo poder participar neste ciclo organizado pola ASOCIACIÓN D'ORFEU

O ciclo Outonalidades na TVG

O sábado pasado, no programa Cultura 10 da TVG, fixeron unha pequena reportaxe sobre o ciclo Outonalidades. Estiveron cun grupo galego, Pé de boi, nunha das súas actuacións en Portugal e estiveron cun grupo portugués (Fados a preto e branco) no concerto que ofreceron no Ultramarinos o xoves da semana pasada.
Podedes ver a reportaxe neste enlace: Cultura 10

Unha semana cargada de actividades...

Remata unha semana cargada de actividades no Ultramarinos.
O luns tivemos unha edición máis do DAR NO CRAVO onde saiu gañador un novo grupo: AMEBAS, despois dun desempate a chistes...
O mércores, LA TROBA KUNG-FÚ encheu de cumbia e rumba catalana o Ultramarinos facendo bailar a todo o público. E coronáronse cando cantaron A saia da Carolina (en galego, por suposto!).
O xoves, na maravillosa voz de Rui Oliveira puidemos escoitar fados e algunhas cancións de autores como Zeca Afonso. Grazas ao ciclo Outonalidades que facilita a posibilidade de que músicos galegos toquen en Portugal e músicos portugueses veñan a Galiza.
Agardamos as vosas opinións sobre os concertos!!!

Combate de Dj's!!

O pasado martes tivemos un PRESSING CATH en toda regra: por un lado Espalda kemada (García MC) e por outro lado BIGOTE MIX (Hevi). Despois de escoitar todos os estilos de música posibles, o público quixo que Bigote Mix deixase K.O. a Espalta Kemada.

Qué vos pareceu o combate?


PRESSING CATH DE BERROBAMBÁN:
Vivimos na era do medo: limita a nosa liberdade e fainos manipulables, bonecos das novas tecnoloxías, dos medios de comunicación, do poder. É curioso que un dos programas televisivos de maior éxito sexa o da violencia teatralizada.
Berrobambán usa convencións e a estética do pressing catch, pero os seus loitadores e loitadoras non son Hulk Hogan: son xente cotiá, somos calquera de nós loitando pola supervivencia. “Hoxe tocoulles estar entre o público, pero mañá, calquera de vostedes pode estar no ring”. Esa é a proposta de Paula Carballeira, autora dun texto audaz e combatente. Ao talento da escritora, unha voz fundamental no teatro galego contemporáneo, súmase, na dirección, a do dramaturgo e actor Quico Cadaval.

XA TEMOS WEB!!!

Hoxe presentamos a nosa web [ www.ultramarinos.org ] na que iremos colgando novas relacionadas coa programación, coas ofertas que teñamos e na que podes dende descarte fondos de pantalla do Ultramarinos ate facernos unha visita virtual!!
Co cal, este BLOG pasa a ter un sentido totalmente diferente ao que tiña ata agora, pretendemos crear un espazo no que poidamos interactuar, onde tí expoñas a túa opinión sobre as cousas que se cocen no Ultramarinos e en Compostela: os nosos concertos, o Dar no Cravo, a nova web, a visita do Papa...
Opinemos!!!

POTION aterrizan no Ultramarinos dende San Francisco

Dúo de San Francisco baseado no electro-pop e formado por Annie Maley (voz e bases) e Michel Bedoya (voz e guitarra). A súa música é sofisticada e fan unha verdadeira síntese de elementos. O son de Potion pódese comparar con grupos como B-52s ou The Pretenders e podería ser descrito como unha mestura entre a electrónica dos 80 o pop Zombie dos 60 e incluso o Cabaret! (cantan en francés, español, alemán…).

xoves 7 de outubro
ás 22.00
entrada 5€

PROGRAMACIÓN OUTUBRO 2010

XOVES 7 – POTION – 22.00 – 5€
MÉRCORES 13 – CARLOS SANTIAGO: a leira magnética – 22.00 – 4€
LUNS 18 – DAR NO CRAVO – 22.00 – 1€
MARTES 19 – COMBATE DE DJ’S DOBRE O RING! – 24.00
XOVES 21 – THE LAST MINUTE EXPERIENCE – 22.00 – 3€ [Rede Galega de Música ao Vivo]
LUNS 25 – DAR NO CRAVO – 22.00 – 1€
MÉRCORES 27 – LA TROBA KUNG FÚ – 22.00 – 8€ anticipada /10€ en taquilla
XOVES 28 – FADOS A PRETO E BRANCO – 22.00 – 4€ [Outonalidades 2010]

Durante o mes de setembro non haberá ningunha actuación musical no Ultramarinos. Estamos argallando a programación de outubro a decembro e a nova páxina web. Manterémosvos informad@s!!

TODOS OS MÉRCORES DO VERÁN, BOSSA!!

Hector Lorenzo será o anfitrión das noites dos mércores, nas que fundamentalmente se escoitará música brasileira ainda que tamén haberá cabida para versións, standars de jazz e temas de autor.

Todos os mércores ás 23.00

_coa primeira consumición cobrarase 2€ de suplemento_

TODOS OS LUNS DO VERÁN, JAZZ!!!

Luis Alberto Legido, un dos mellores percusionistas de jazz afincados en Galicia, será o anfitrión das noites de jazz do Ultramarinos. Cada luns estará acompañado polos mellores músicoS: Xacobe Martínez, Pablo Seoane, Alejandro Vargas, etc…

Todos os luns ás 23.00

_coa primeira consumición cobrarase 2€ de suplemento_

ESTE CURSO PASARON POLO ULTRAMARINOS...

A programación cultural habital do Ultramarinos despídese ate outubro.
Neste curso 2009-2010, pasaron polo 34 de Casas Reais os seguintes artistas:

Jur, Bart Davenport, 6PM, Coque Malla, Athanopoulos-Pin Jazz quartet, Cello Solo, Les trois de Cora, La edad prohibida, Fred Martins, Dirty Socks, Le Punk, U-lo trío?, Malandrómeda, Indómitos, Alddao, Toni Lomba & Elio dos Santos, Guadi Galego, Guillerme Fernández e Xabier Díaz, García Show, Meninos Carentes, Monkillos, Mosca Gogó, Tiempo Cuatro, Carlos Blanco, Gramola, Olga Román, Leo Minax, Gustavo Almeida, Xan Campos trío, Pablo Seoane dúo, Alberto Pérez, Los hijos bastardos de Peter Lorre, Emilio José, Marcelo Mercadante, Roberto Sobrado, Loretta Martin, Mago Vituco, Igloo, Mofa e Befa, Victor Coyote, Los chavales, Roger de Flor & os silvestres, Sinestesia, Fluzo e Dúo Fernández & Quintá.

Á parte de todo isto, fomos o local oficial de copas do Curtocircuito e da Feira Galega das Artes Escénicas.

Tamén son moi importantes dúas actividades que un bo día nos deu por argallar e que están gustando moito á xente: DAR NO CRAVO e as tardes dominicais de inverno de CINE MUDO E CHOCOLATE CON CHURROS.

E, por suposto, non nos podemos olvidar dos nosos Dj's!! Fran, Javi, Rober e Nathan!! Fran Reixa, Lagartija, Abel, Hevi...

MOITAS GRAZAS A TOD@S!!!

VOLTAMOS EN OUTUBRO CON NOVAS ACTUACIÓNS!!

rematou a programación cultural do curso 2009-2010

O Ultramarinos rematou a programación cultural deste curso co concerto de Oscar Fernández e Carlos Quintá.
A programación habitual voltará en outubro con boa música en directo e moitas outras actividades e sorpresas.

Pero a música en directo NON REMATA no Ultramarinos!!
ESTE VERÁN SEGUIRÁ HABENDO MÚSICA EN DIRECTO NO ULTRAMARINOS!!!

O Ultramarinos remata a programación co DÚO FERNÁNDEZ E QUINTÁ

O dúo formado por Carlos Quintá (acordeon diatónico) e Oscar Fernandez (Zanfona) comenza a tocar en directo no 2005 paricipando no encontro de acordeons diatónicos de Ourense, e no Encontro coa zanfona de Narón. Fan música instrumental de autor (o propio dúo) baseada na música tradicional de Galicia e doutros lugares europeos, interpretada con dous instrumentos pouco usuais: o acordeon diatónico e a zanfona. Para escoitar ou Bailar.

XOVES 24 de xuño ás 22.30
entrada 3€

Fluzo presenta o seu disco no Ultramarinos

FLUZO son Javier Álvarez, productor cunha longa traxectoria tras seudónimos como Néboa, Bravido ou Dúo Cobra, e Hevi, seguramente un dos mellores MCs en lingua galega. No seu proxecto en común, a vella escola dase a man coa IDM, a música de 8-bits, o low-fi e o jazz máis experimental. Contrabaixos ao lado de casiotóns modificados, ventos que se comunican con sintetizadores monofónicos, Commodores que falan e gameboys mutantes codeándose con hammonds e vibráfonos... Un regreso ao rap do futuro.
Veñen ao Ultramarinos presentar o seu disco "Fluzo".
http://fluzeando.com

MÉRCORES 16 de xuño ás 22.30hr.
entrada 3€ / entrada + vinilo 10€

SINESTESIA en directo

Este xoven trío compostelán, bota a vista atrás para empapar a súa música do blues do Chicago ou do rock e soul dos sesenta e setenta; sin perder de vista influencias dos pais do rock español contemporáneo (desde Los Piratas a Antonio Vega, pasando por Quique González ou Los Rodríguez). As cancións veñen marcadas polo caracter intimista e desgarrado das súas letras.


XOVES 10 ás 22.30hr
entrada: 3€
entrada + CD: 5€

ROGER DE FLOR & OS SILVESTRES + FRIENDS

O proxecto “Naturalidade Silvestre: O Filme” ten a ambición de
converter a estrea da longametraxe documental sobre Roger de Flor en algo máis do
que soe ser un evento destas características, ao acompañar a exhibición do filme
cun concerto no que os espectadores poidan descubrir en primeira persoa, que
todo o que poderá ver na pantalla é real. Aínda que Roger de Flor é o
protagonista principal deste traballo, a súa figura non deixa de ser unha escusa
para falar de tantos e tantos músicos de salas de pequeno aforo, da situación
musical galega (ou de mais alá do telón de grelos), e en definitiva, da
problemática dos creadores, artesáns e artistas...

MÉRCORES 9 ás 23.00hr
entrada 5€

O documental proxectarase ás 20.00hr no Teatro Principal e o concerto comeza, no Ultramarinos, ás 23.00hr.

VICTOR COYOTE en directo no Ultramarinos

De Victor Coyote sóese dicir que saiu airoso dos moitos estilos nos que se sumerxiu. Mentira. Só se sumerxiu nun: o seu. Víctor Coyote é un home tan fiel ás súas conviccións que non as abandonou xamáis. A súa principal convicción é a música popular. Que dende fai xa algúns anos non diferencia entre folclore, música melódica, música de baile, experimentos arty e rock. E eso é o que fai Victor Coyote:unha mestura entre folclore, música melódica, música de baile, experimentos arty e rock.
O disco novo de Victor Coyote, adianto do CD que sairá en outono é un producto híbrido. Practicamente un producto de artesanía folclórica moderna (unha especie de "feito a man" sin o lastre de "calquera tempo pasado foi mellor"). Unha serigrafía con CD single, deseñada, tirada, montada, embolsada, empaquetada, promocionada e posta no punto de venda, practicamente por dúas persoas da discográfica cordobesa EUREKA, o serígrafo e o propio Victor Coyote. Só saen á venda 250 exemplares numerados e firmados.
Victor Coyote xunta o glam-folc coas tradiciones musicais atlánticas e mediterráneas. O símbolo desta nova etapa, o Trébol-Chumbera define perfectamente as súas intencións musicais. En formato “acústico + cachivaches”.

XOVES 3 ás 22.30
entrada 6€

Nado musicalmente coa etiqueta de cantautor, baixo a influencia de Sabina e Silvio, publica o seu primeiro traballo en 1999, "Inventario de inquedanzas nº 1", logo de gañar o II Certame Pop-Rock Xunta de Galicia. Comeza a tocar de forma regular en Compostela nese mesmo ano, e iso serve de plataforma de lanzamento para os locais do resto do país. Coa incorporación de novos músicos, vai dando forma á súa banda que, cunha orientación pop-rock, autoedita o segundo disco en 2003, "Pan e circo", e o terceiro en 2005, "Agasallos sen promesas". De exilio voluntario no Liverpool dos Beatles dende outubro de 2004, continúa compoñendo novos temas e chega a tocar en solitario no mítico The Cavern. Volta a Galiza no 2007 para refacer a banda e presentar o novo proxecto "Noroeste extraño", unha proposta calamariana dos temas nados en Liverpool máis outros rescatados do antigo repertorio. Toda a info en:www.sobradoebanda.net
Roberto Sobrado é música e poesía. Sempre vai haber algún acorde que saia da súa guitarra para encher unha festa, sempre un verso a ilustrar un capítulo da vida. Comezou con Silvio, Sabina e Serrat, logo deulle por Calamaro e Reixa, mais os seus propios versos e melodías non lles desmerecen a ningún deles nin en forza nin en compromiso.
Os seus discos son cálidos os seus directos dinámicos. Non dubidedes en achegarvos a el porque sempre sairedes cun sorriso, sempre levaredes un retrouso no corazón.
Música feita con sentidiño e sentimento. Música feita en Galiza e en galego.
http://www.myspace.com/robertosobrado

MÉRCORES 19 DE MAIO ás 22.30
entrada 4€

Marcelo Mercadante e Gustavo Battaglia en concerto

MARCELO MERCADANTE é un dos mellores bandoneístas do mundo. Arxentino afincado en Barcelona dende o ano 1992, gravou discos e participou en xiras de artistas como Joan Manuel Serrat, María del Mar Bonet ou Miguel Poveda.
Marcelo vén ao Ultramarinos acompañado polo guitarrista GUSTAVO BATTAGLIA para ofrecernos a formación máis íntima e auténtica que ten o TANGO, unha guitarra e un
bandoneón en diálogo constante e acompañándose mutuamente.

XOVES 6 DE MAIO ÁS 22.30
entrada 6€

EMILIO JOSÉ en concerto

Que o patrón de Ourense lle conserve a Emilio José o xenio, o ensimismamento e o sentido do humor durante moitos anos. O de apeiron debuta cun CD ¡doble! (¿recordan algún caso parecido?) que quere ser unha homenaxe á música que lle gusta. Tematicamente, trátase dunha estampa na que o seu autor imaxina a Elis Regina, Debussy e Marvin Gaye coincidindo a principios do outono de 1987 nun pobo de Galiza sen máis ocupación que a de deixar escrito un feixe de cancións que atoparía Emilio posteriormente. O reto é ese: reinterpretar a partitura coa "miña desastrosa voz", di.

¿E?

Máis ca unha homenaxe, que deixa automaticamente en inferioridade ao tributario, "Chorando Apréndese" é un disco que mostra un doce desequilibrio. ¿É pequeno e caseiro? ¿Maiúsculo e titánico? Máis ca unha homenaxe, dicía, parece unha parodia. Un xogo de desproporcións. Unha obra mestra do pop, en broma. Dese pop que tén como momentos clave do seu evanxelio o encontro entre Brian Wilson e Van Dyke Parks. Ou mellor, a decadencia dese encontro. De feito, é un "Smile" caseiro, construído con pezas de lego e cantado enteiramente en galego. En continuum, como "We're only in it for the money", de Zappa. Unha barbaridade.

Emilio José pasa á acción directa. Apetécelle un Ourense independente. Independente de España, de Galiza e de todo. Con "Chorando Apréndese", gravado e mesturado nun 80% na casa e completado nos Copacabana estudios "en realidade, o rimbombante nome co que o meu primo Álvaro --o outro de apeiron-- chama á súa habitación...", máis que a independencia, o que vén de lograr é quedarse só. Non hai outro igual. Mellor non dar máis claves.

Atención ao disco máis sorprendente que saiu á rúa este ano no noso país

O SOÑO DE ROSA
Este luns o chou-concurso Dar no Cravo movilízase para facer realidade o desexo dunha amiga. Rosa é a señora que anda tódalas noites polo casco vello vendendo chuches e flores. Hai un par de meses expresou un desexo: durante este último ano santo quixera sair a facer o seu percorrido cun traxe galego.
Com...o costa unha pasta (e tempo, e ganas) ninguén se atreveu co reto. Pero @s cravistas podemos con todo... Unha Laika contactou cunha modista que nos vai confeccionar un traxe un pouco máis barato do normal. Agora só nos falta a pasta. Entón só para este luns a participación ó Dar no Cravo custará 3€. Se tiñas dubidas, este luns é un bo día para vir. Ou volver. Ou empezar...

Remata unha semana cargada de actividades:
- o luns Alberto Perez actuou por segunda vez no Ultramarinos. Vellos boleros... cancións de La Madrágora... e a intervención por sorpresa do xenial Quico Cadaval.
- o mércores éxito total do Karaoke Ultramarino que fixemos de proba... Haberá que repetir!! Xa informaremos.
- o xoves, o local abarrotouse para bailar ao son de Los hijos bastardos de Peter Lorre que encheron o local de rock'n'roll.

Jazz no Ultramarinos con Rafael Frenández e Pablo Seoane Dúo

Pablo Seoane é un pianista compostelán e un dos referentes do novo jazz en Galicia. Nesta ocasión aterriza no Ultramarinos acompañado por Rafael Fernández á guitarra e cun repertorio baseado en standars clásicos de jazz.

xoves 15 de abril ás 22.30
entrada 4€

Programación trimestral ABRIL-XUÑO '10

ABRIL:

LUNS 5, 12 e 26 – DAR NO CRAVO – 22.00 – 1€

MARTES 6 – Concerto benéfico SURVIVAL – 22.30 – 4€

XOVES 15 – Rafael Fernández e Pablo Seoane dúo - 22.30 – 4€

LUNS 19 – Alberto Pérez – 22.30 – 3€

XOVES 22 - Los hijos bastardos de Peter Lorre - 22.30 - 3€ entrada / 5€ entrada + vinilo

MÉRCORES 21 – Karaoke Ultramarino – 22.30

MÉRCORES 28 – Emilio José – 22.30 – 3€



MAIO:

Luns 3, 10, 24 e 31 – DAR NO CRAVO - 22.00 – 1€

XOVES 6 – Marcelo Mercadante&Gustavo Battaglia – 22.30 – 6€

MÉRCORES 19 – ROBERTO SOBRADO – 22.30 – 4€

MARTES 25 – LORETTA MARTIN – 22.30 – 5€

MÉRCORES 26 – MAGO VITUCO – 22.30 – 4€

XOVES 27 – IGLOO – 22.30 – 3€

VENRES 28 – MOFA E BEFA – 22.30 – 5€



XUÑO:

XOVES 3 – VICTOR COYOTE – 22.30 – 6€

XOVES 10 – SINESTESIA – 22.30 – 3€ entrada / 5€ entrada + CD

XOVES 16 - FLUZO - 22.30 - 3€ entrada /10€ entrada + vinilo

VENRES 17 - LOS CHAVALES- 22.30 - 4€

XOVES 24 – DÚO FERNÁNDEZ E QUINTÁ - 22.30 – 3€

Comeza o último trimestre do curso de DAR NO CRAVO

O luns 5 de abril arranca un novo trimestre do noso particular xogo DAR NO CRAVO. Neste último trimestre do curso incluiremos algún cambio do que xa vos iremos informando...

GUSTAVO ALMEIDA & Brasilian Night en concerto no Ultramarinos

Cantante e compositor brasileiro. Fillo da consagrada cantante brasileira Ellen de Lima e irmán do tamén cantante Rodrigo Almeida, entende a música como un medio de comunicación.
Deixou o seu país hai algúns anos para viaxar por Europa e coñecer outras culturas. Viaxou por moitos recunchos e, através da súa mente aberta, está gradualmente a crear a súa propia identidade musical.
Difícil de clasificar, cada unha das súas cancións trata de algo diferente, pero basicamente ten o mesmo vínculo que as une, a súa música emana positividade.

xoves 25 ás 22.00
entrada 2€

LEO MINAX en concerto

"Non só ten o raro talento de dar coas palabras adecuadas senón a voz e a maneira con que facelas soar plenamente. Rima con vigor, intelixencia e elegancia. O seu son está elaborado con capas do B-rock máis recio e perdurable, da sensibilidad da canción que houbo antes e do espírito urbano que hoxe late en Brasil, territorio do cal forma parte a valiosa identidade musical de Leo Minax". (BRUNO GALINDO)
***

Leo Minax naceu en Belo Horizonte, capital do Estado de Minas Gerias, Brasil. Veciño de Madrid na actualidade, xa ten seis discos publicados. Intérprete esixente, mestura as influencias brasileiras co jazz, o pop, a música clásica, o folc e o rock. Minax desarrolla dende fai moito o seu discurso musical. Concibe a creación artística dende a inquietude, e dende a perspectiva da reelaboración constante da súa proposta.

Mércores 17 ás 22.00
entrada 5€

FINAL TRIMESTRAL DE DAR NO CRAVO

O próximo luns 15, ás 22.00, teremos a FINAL TRIMESTRAL do noso particular xogo de preguntas e respostas DAR NO CRAVO!!

E o reparto de CRAVOS está da seguinte maneira:

con UN CRAVO: "Mala señal", "Filólogas dramáticas" e "Comando kamándula"...
con DOUS CRAVOS: "As laikas", "Érache milaghro" e "Renting car"...

A COUSA ESTÁ QUE ARDE.......



AS PERLAS DO CRAVO DO 8 DE MARZO
Noite realmente frikitona a do luns pasado, entre despistes, gardenias, sintonías rebeldes, aglomerados humanos en forma de equipo, e atropeladas chamadas internacionais.
No medio de todo isto, irrumpiu o Komando Kamándula, que deu no cravo á primeira e ameaza con crear un verdadeiro atasco no último luns do trimestre.
Perlas: A muller biónica naceu de outra serie americana. Cal? Respostas: El hombre biónico, Razzinger Zeta, Batman, Los cuatro fantásticos, Barbarella, Wonder woman e Sexo en Nueva York (era O home dos 6 millóns de dolares)
A flor friki foi a Nomeolvides, pero como a pista era que a flor tiña un nome friki, sairon: Ultramarina, Margarita azulita, miña nai chámalle Nieviña, La flor de mi secreto e Flor-inda chico!... Ver máis
Para a pregunta “Quen dixo que o traballo dignifica o home?” houbo respostas canto menos peculiares: aparte a galaica “Franco o no” das Laikas, os membros do Cuarto elemento lucironse cun “Catalina II” (Zarina de Rusia!), e os amigos de La Camorra Santiajesa puxeron “El Rey de España”, tacharono e correxiron: “Nixon”. Non sei eu que era mellor...
As Meigas Picheleiras tomaron moi en serio o aviso do Presentatore da semana pasada, na que afirmaba a necesidade dun grupo favorito que non acabase gañador para non despertar sospeitas. Á pregunta anterior contestaron “Dinio” e sacaron unha transparente penúltima praza. Non pedía tanto, chicas...
Dúas comunicacións personais. 1: “Máis listos ca un allo”: no espacio libre da pregunta desierta puxechedes “Vendemos entradas para o Circo do Sol → 250€ + boli bic de regalo”. Hai algo que non cadra... 2: Filólogas: se a pista é “Pensade tal cousa en clave italiana”, non é preciso recurrir inmediatamente a Raffaella Carrá e Laura Pausini...
Perla da semana para Os do cuchifril: “Como se chama o relato de Oscar Wilde que é unha parodia das novelas de terror?” R:“Sálvame Deluxe”

cine mudo + chocolate con churros

Este domingo 14, ás 19.30, unha nova tarde de CINE MUDO E CHOCOLATE CON CHURROS. Non a perdades, só quedan dúas... cando remate marzo deixamos o cine mudo e o chocolate con churros ate o próximo outubro...

OLGA ROMÁN en concerto

É coñecida por ser a voz feminina dos discos e os concertos de Joaquín Sabina. Pero en solitario ten dous discos editados. É cantante, compositora e unha intérprete de grande sensibilidade.
En palabras de Sabina: “cando en prazas de touros imposibles pega a súa voz a min, os seus coros rompen teitos e fusibles e o don do seu despeito destápase. Non exerzo de vidente, pero poñede o seu charme nas antenas e eu estarei aplaudindo de rodillas”

XOVES 11 ás 22.00
entradas: 10€ anticipada e 12€ en taquilla